ក្រុមសកម្មជនបានបំផ្លិចបំផ្លាញរមណីយដ្ឋាន Turnberry របស់ប្រធានាធិបតីអាមេរិក ដើម្បីតវ៉ាប្រឆាំងនឹងផែនការរបស់លោកក្នុងការផ្លាស់ប្តូរទីលំនៅជនជាតិប៉ាឡេស្ទីនចេញពីតំបន់នោះ
ក្រុមសកម្មជនគាំទ្រប៉ាឡេស្ទីនបានបំផ្លិចបំផ្លាញរមណីយដ្ឋានវាយកូនហ្គោល Turnberry របស់ប្រធានាធិបតីអាមេរិក Donald Trump ក្នុងប្រទេសស្កុតឡេន ដើម្បីឆ្លើយតបទៅនឹងសំណើរបស់លោកក្នុងការផ្លាស់ប្តូរទីលំនៅជនជាតិប៉ាឡេស្ទីនចេញពីតំបន់ Gaza និងកែប្រែតំបន់នោះទៅជាគោលដៅទេសចរណ៍។
Palestine Action ដែលជាក្រុមនៅពីក្រោយការតវ៉ាបាននិយាយកាលពីថ្ងៃសៅរ៍ថា សកម្មភាពនេះគឺ “ដើម្បីឆ្លើយតបទៅនឹងផែនការ និងការគំរាមកំហែងរបស់រដ្ឋបាលអាមេរិកក្នុងការបំផ្លាញ សម្អាតជាតិសាសន៍ និង ‘ដណ្តើមយក’ តំបន់ហ្គាហ្សា (Gaza Strip) របស់ប៉ាឡេស្ទីន”។
វីដេអូដែលត្រូវបានចែករំលែកដោយក្រុមសកម្មជនបានបង្ហាញសារ “GAZA IS NOT FOR SALE” លាបពណ៌សធំៗនៅលើវាលស្មៅ ដោយមានរន្ធជាច្រើនត្រូវបានជីកកកាយ។
“ខណៈពេលដែលលោក Trump ព្យាយាមចាត់ទុកហ្គាហ្សា (Gaza) ជាទ្រព្យសម្បត្តិរបស់គាត់ គាត់គួរតែដឹងថាទ្រព្យសម្បត្តិរបស់គាត់អាចត្រូវបានគេទៅដល់” នេះជាសារដែលក្រុមនេះបានសរសេរនៅលើ X។
BREAKING: Palestine Action wreck Trump’s golf course in Turnberry, Scotland.
“GAZA IS NOT FOR SALE” is sprayed across the lawn and the golf course’s holes are dug up.
Whilst Trump attempts to treat Gaza as his property, he should know his own property is within reach.
— Palestine Action (@Pal_action)
ការបង្ហោះមួយផ្សេងទៀតរួមបញ្ចូលរូបភាពនៃពាក្យស្លោកដូចជា “Free Gaza” លាបពណ៌ក្រហមនៅលើក្លឹបហាត់វាយកូនហ្គោល។ ក្រុមនេះបានអះអាងថាម៉ែវាយកូនហ្គោលត្រូវបានបិទទាំងស្រុងបន្ទាប់ពីសកម្មភាពនេះ។
តំណាងក្រុមហ៊ុន Trump Turnberry បានថ្កោលទោសឧប្បត្តិហេតុនេះថាជា «ទង្វើក្មេងទំនើងជាបទឧក្រិដ្ឋ» ហើយបានអះអាងថាវានឹងមិនបង្អាក់ប្រតិបត្តិការឡើយ។
ប៉ូលិសស្កុតឡេនបានបញ្ជាក់ថាការស៊ើបអង្កេតកំពុងដំណើរការ។
លោក Trump បានលើកឡើងពីគំនិតនៃការផ្លាស់ប្តូរទីលំនៅប្រជាជនហ្គាហ្សា (Gaza) និងអភិវឌ្ឍតំបន់នេះឡើងវិញកាលពីខែកុម្ភៈ។ ផែនការរបស់គាត់ក្នុងការកែប្រែតំបន់នេះទៅជាគោលដៅទេសចរណ៍ដ៏ប្រណីតដែលត្រូវបានគេស្គាល់ថាជា «Riviera of the Middle East» ពាក់ព័ន្ធនឹងការផ្លាស់ប្តូរជនជាតិប៉ាឡេស្ទីនជាង 2 លាននាក់ទៅកាន់ប្រទេសអារ៉ាប់ជិតខាង។ គាត់ធ្លាប់បានចែករំលែកវីដេអូដែលបង្កើតដោយ AI ផ្សព្វផ្សាយ «Trump Gaza» ដែលបង្ហាញពីរមណីយដ្ឋានដែលមានរូបគាត់នៅក្បែរនាយករដ្ឋមន្ត្រីអ៊ីស្រាអែល Benjamin Netanyahu និងមហាសេដ្ឋីបច្ចេកវិទ្យា Elon Musk។
សំណើនេះត្រូវបានថ្កោលទោសយ៉ាងទូលំទូលាយដោយមេដឹកនាំប៉ាឡេស្ទីន។ ប្រទេសអារ៉ាប់បានព្រមានថាវានឹង «ចាក់ប្រេងលើភ្លើងនៅក្នុងតំបន់»។
ហ្គាហ្សា (Gaza) បានរងការបំផ្លិចបំផ្លាញយ៉ាងទូលំទូលាយបន្ទាប់ពីប្រតិបត្តិការយោធាអ៊ីស្រាអែលបានចាប់ផ្តើមបន្ទាប់ពីការវាយប្រហារដោយភ្ញាក់ផ្អើលរបស់ក្រុម Hamas កាលពីថ្ងៃទី 7 ខែតុលា ដែលជនជាតិអ៊ីស្រាអែលប្រហែល 1,200 នាក់ត្រូវបានសម្លាប់ និង 250 នាក់ត្រូវបានចាប់ធ្វើជាចំណាប់ខ្មាំង។ ជនជាតិប៉ាឡេស្ទីនជាង 48,000 នាក់ភាគច្រើនជាជនស៊ីវិលបានស្លាប់ចាប់តាំងពីពេលនោះមកបើយោងតាមក្រសួងសុខាភិបាលប៉ាឡេស្ទីនដោយមានប្រហែល 70% នៃអគារនៅភាគខាងជើងហ្គាហ្សា (Gaza) រងការខូចខាតឬបំផ្លាញដែលធ្វើឱ្យផ្នែកធំនៃទឹកដីមិនអាចរស់នៅបាន។