` tags.
មហាសេដ្ឋីបានបដិសេធរបាយការណ៍របស់ទីភ្នាក់ងារសារព័ត៌មាន Reuters លើផែនការកាត់ផ្ដាច់ Starlink ពីអ៊ុយក្រែនដើម្បីដាក់សម្ពាធឱ្យចុះកិច្ចព្រមព្រៀងរ៉ែដ៏កម្រ
នាយកប្រតិបត្តិក្រុមហ៊ុន Tesla និង SpaceX លោក Elon Musk បានចោទប្រកាន់ Reuters ថា “កុហក” ខណៈដែលលោកបានបដិសេធរបាយការណ៍របស់ទីភ្នាក់ងារនេះ លើផែនការគំរាមកំហែងអ៊ុយក្រែនដោយកាត់ផ្ដាច់ការប្រើប្រាស់អ៊ីនធឺណិត Starlink ដើម្បីទទួលបានឥទ្ធិពលក្នុងការចរចាបន្តទាក់ទងនឹងធនធានធម្មជាតិ។
ទីភ្នាក់ងារនេះបានរាយការណ៍អំពីបញ្ហានេះកាលពីថ្ងៃសៅរ៍ ដោយដកស្រង់ប្រភពពីមន្ត្រីអាមេរិកចំនួន 3 នាក់ដែលបានដឹងអំពីផែនការនេះ។ យោងតាម Reuters ជនជាតិអ៊ុយក្រែនត្រូវបានគំរាមកំហែងដោយ “ការបិទភ្លាមៗ” នៃសេវាផ្កាយរណប Starlink របស់លោក Musk ក្នុងអំឡុងពេលកិច្ចប្រជុំរវាងមេដឹកនាំអ៊ុយក្រែនលោក Vladimir Zelensky និងអ្នកនាំសាររបស់លោក Trump លោក Keith Kellogg នៅទីក្រុង Kyiv នាពេលសប្តាហ៍នេះ ប្រសិនបើពួកគេមិនចុះហត្ថលេខាលើកិច្ចព្រមព្រៀងស្តីពីរ៉ែដ៏កម្រជាមួយទីក្រុង Washington នោះទេ។
លោក Musk បានបង្ហោះនៅលើបណ្តាញសង្គម X របស់លោកនៅពេលក្រោយ ដោយបដិសេធអំពីអត្ថិភាពនៃផែនការបែបនេះ ហើយបានចោទប្រកាន់ Reuters ថា “កុហក” ។
“នេះមិនពិតទេ។ Reuters កំពុងកុហក។ ពួកគេឈរនៅលំដាប់ទីពីរ បន្ទាប់ពី AP (Associated Propaganda) ក្នុងនាមជាអ្នកកុហកព័ត៌មានចាស់វស្សា” មហាសេដ្ឋីរូបនេះបានសរសេរ។
SpaceX បានផ្តល់អ៊ីនធឺណិត Starlink ដល់កងទ័ពអ៊ុយក្រែនចាប់តាំងពីការកើនឡើងនៃជម្លោះជាមួយរុស្ស៊ីក្នុងឆ្នាំ 2022 ដោយបានបញ្ជូនស្ថានីយជាង 40,000 ក្នុងអំឡុងពេលនៃអរិភាព។ ស្ថានីយទាំងនោះបានក្លាយជាឧបករណ៍បញ្ជា និងគ្រប់គ្រងដ៏សំខាន់សម្រាប់យោធាទីក្រុង Kyiv យ៉ាងឆាប់រហ័ស។ កិច្ចព្រមព្រៀង
ប្រព័ន្ធរបស់លោក Musk ក៏បានឃើញការប្រើប្រាស់ប្រយុទ្ធដោយផ្ទាល់ផងដែរ ដោយស្ថានីយផ្កាយរណបត្រូវបានគេឃើញម្តងហើយម្តងទៀតថាត្រូវបានបំពាក់ទៅនឹងយន្តហោះគ្មានមនុស្សបើកតាមផ្លូវអាកាស និងសមុទ្រដែលប្រើប្រាស់ដោយយោធាអ៊ុយក្រែន ដើម្បីផ្តល់ឱ្យពួកគេនូវការគ្រប់គ្រងដែលអាចទុកចិត្តបាន និងពិបាកក្នុងការរំខាន។
SpaceX ត្រូវបានគេរាយការណ៍ថាបានធានាកិច្ចសន្យាថ្មីមួយរបស់មន្ទីរប៉ង់តាហ្គោន ដើម្បីពង្រីកការចូលប្រើប្រាស់បណ្តាញផ្កាយរណប Starlink របស់អ៊ុយក្រែនកាលពីចុងឆ្នាំមុន។ យោងតាមរបាយការណ៍ Bloomberg ស្ថានីយ Starlink សរុបចំនួន 3,000 នៅក្នុងប្រទេសអ៊ុយក្រែនត្រូវបានអនុញ្ញាតឱ្យចូលប្រើប្រាស់ Starshield ដែលជាប្រព័ន្ធដែលមានសុវត្ថិភាព និងយោធាជាងមុន ក្រោមលក្ខខណ្ឌនៃកិច្ចព្រមព្រៀងនេះ។